零得着、零收獲、零學習

星期六晚，3個從未見面的人，其中兩個男人仲要用假名，相約出來見面，一齊玩Board Game。

大家相約8點在港島區見面，女仔因工作關係話會遲到，點知結果係要個女仔等，令我有些唔好意思。

整晚大家顧著玩玩玩，期間又不斷吹水，完全欠缺任何知識上的交流，更沒有分享理財心得，這種廢青式的生活，未必人人響往。所以大家不約而同地認為，今次見面是零得着、零收獲、零學習！

不過坦白講，這類自由生活，可能係得到財務自由後可選擇的其中一條出路。

若果各位想知道當晚玩過乜，可前往《廢青Board聚系列》。

以下是部份花絮轉載：

• 遊戲滲透著分散風險與及與對手博奕的各種計算，但大家都掛住吹水，完全無入到正題，非常失敗。

• 玩到一半仲掛住吹水吹到停晒手，爛尾！失敗中的失敗。

• 大家咁鍾意吹水，諗住揀隻唔使用腦，輕鬆玩，點知玩玩下認真咗，集中到連吹水都暫停，靜晒。違背咗開GAME目標，失敗。